FRAGAS DO EUME
As fragas do Eume é un parque natural galego
creado o 30 de xullo de 1997 e que abrangue 9.126 hectáreas nas beiras do río
Eume. Son as fragas costeiras mellor conservadas de Europa, e un dos poucos
bosques do seu tipo que quedan no continente. Esténdese polos concellos de Cabanas, A Capela,
Monfero, Pontedeume e As Pontes de García Rodríguez.
O
río Eume, duns cen quilómetros de lonxitude total, labrou na maior parte do seu
curso medio e final un profundo canón. As abruptas ladeiras, nalgúns puntos de
hasta 300 metros de desnivel, conservan o manto vexetal orixinal dos bosques
atlánticos.
O
parque ten establecidos catro portais de acceso, sen comunicación entre eles. O
máis visitado é o que fixa como destino o mosteiro de Caaveiro. As ladeiras
inclinadas só permiten esta entrada seguindo o curso do río a través do coto
pesqueiro de Ombre, a dez quilómetros de Pontedeume.
Flora:
Ten
unha rica biodiversidade, un bosque en cuxas zonas máis próximas ao río
predominan os ameneiros e chopos, mentres que máis arriba están os carballos.
Entre outras especies vexetais presentes: bidueiros e castiñeiros.
Fauna:
Aínda
que difíciles de observar no parque habitan entre outros, exemplares de: gato
montés, marta, raposo…
Entre
as aves, pódense observar o bufo real, o falcón
abelleiro, o martín pescador, o azor e outras aves típicas do bosque.
Ademais
está catalogada a presenza de 15 especies de anfibios, 14 especies de réptiles,
8 especies de peixes, 103 especies de aves e 41 especies de mamíferos.
Oli ajajajaa
ResponderEliminar